تذكير بمساهمة فاتح الموضوع :

بسم الله الرحمن الرحيم
نبدا علي بركت الله شرح الجيبه وارجوكم يا بنات عاوزه تركيز والتزاااااااااااااااااااااااااااااام تام يلا صلو بينا علي النبي العدنا ونبدا

دي الجيبه

[ندعوك للتسجيل في المنتدى أو التعريف بنفسك لمعاينة هذه الصورة]



ودي الباترون اللي اشتغلت عليه

[ندعوك للتسجيل في المنتدى أو التعريف بنفسك لمعاينة هذه الصورة]


ودي تطبيقي للجيبه



[ندعوك للتسجيل في المنتدى أو التعريف بنفسك لمعاينة هذه الصورة]



نبدا علي بركت الله صلو بينا علي النبي العدنا اولا ف البدايه اوصيكم بالتركيز والانضبام بالشرح علشان ميحصلش لخبطه وتفكي لان الغلط ف السطر الاول هيبوظ الشغل كلو يعني اول سطر بحساباتو هوه اساس الجيبه

السطر الاول
بسم الله هتخدي سلسله بمقاس وسطك شرط ان عدد السلاسل دي يقبل القسمه علي 2 وبعد كدا الناتج برضو يقبل القسمه علي 2
وناتج القسمه التاني هتطرحي منو 14 وتطرحي من ال14 دول واحد دي الحسابات الاساسيه للجيبه وهتتوضح اكتر مع الشرح


طبعا كل وحده مختلفه ف مقاس وسطها انا هفرض مثلا اني هشتغل علي وسط مقاسو طلع معايا 180 سلسله حساباتو هتكون كالتالي
180\2=90
90\2=45
45-14=31
31-1=30
هنوضح بقي عملت عدد سلاسل بمقاس الوسط وطلع عندي 180 انا يا بنات بقول مثلا لان كل وحده ليها مقاس معين وعموما ال180 دي تلبس طلفه ست سنين او سبعه
بعد معملت عدد السلاسل بشرط انو يقبل القسمه علي 2 طلع معايا 180 قسمتهم90 قسمتهم برضو علي 2 طلع معايا 45 طرحت ال45 من 14 طلع معايا 31 اطرح منو 1 طلع الناتج معايا 30 و ال30 دي عدد الاعمده علي الجنبين وهنشوف اذاي
هتعملي بعد مختي المقاس بالسلاسل المطلوبه هتطلعي تلات سلاسل ارتفاع اول عمود بعدها اعمل 29 عمود علي 29 سلسله من السطر اللي تحت كدا بقي عندي 30 عمود اعمل سلسله واسيب سلسله علي السطر اللي تحتوعلي التلات سلسل اللي بعد كدا اعمل تلات عواميد اعمل سلسلتين واسيب سلسلتين تحت واعمل تلات عواميد ف التلات سلاسل اللي بعد كدا ثم اعمل سلسلتين ثم اسيب سلسلتين تحت واعمل تلات عواميد ثم اعمل سلسلتين واسيب سلسلتين واعمل تلات عولميد ثم سلسلتين واسيب سلسلتين واعمل تلات عواميد ثم اعمل سلسلتين واسيب سلسلتين وعمل تلات عواميد ثم سلسله وحده واترك سلسله برضو وحده علي السطر اللي تحت واعمل ال30 عمود
بعد كدا هتعملي 30 عمود تانينعلشان تكملي الدوران ونفس اللي انتي عملتيه قدام هتعمليه وراا هتكملي 30 عمود تاني ليصبح العدد عندك 60 عمود وتعملي التقسيمه الوسطانيه نفسها بعد ال30 عمود برضو وبعد متخلصيها تعملي 30 عمود ليصبح 60 عمود
انا بكرر لابد وان يكون عدد الاعمده متساويه ف الجنبين لازم لازم لازم اي خطا فيها هيبوظ الدنيا
ودي صورت السطر

[ندعوك للتسجيل في المنتدى أو التعريف بنفسك لمعاينة هذه الصورة]


انا هقف ف الشرح لحد كدا علشان البنات تظبط حساباتها اي حاجه واقفه قدامك انا موجوده اسالي علي طول وانا بالي طووووووووووووووووووووووووووووويل
وبكرر تاني مش هنزل اي جزء بعد ده الا لما اشوف التطبيقات والتفاعل معانا وكلنا نشجع بعض يا قمرات

حاضر بس اصبري شويه لما الباقي يخلص يوم ولا حاجه متقلقيش هتخلصي

انا خلصت بقالى كام يوم يا استاذه ساره ومستنياكى انام شويه ولا ايه؟ ههههههههههههههه

حاضر يا بنات هنزل جزء الليله باذن الله

يا بنات انا نزلت الجزء التالت من الجيبه يلا بينا علي الصفحه الاولي واشتغلو ووروني التطبيقااااااااااااااااات مشوفتش غير لؤلؤه بس الباقي فيييييييييييييييين

اللؤلؤ ة كتب:

يلاه يحلوين يا امورات ورنا الشغل المرتب
[ندعوك للتسجيل في المنتدى أو التعريف بنفسك لمعاينة هذه الصورة] حابه اتفرج على الفن الحلو

اهلا يا لؤلؤه يا حببتي البنات بخلص قلبي ف الصفحات وانتي تشوفي

يا اخت ساره انا لما وصلت لعمل 10 عماويد زى الباترون لقيت السطر اللى تحته كمان 10عماويد ونهايته 9 عماويد فياترى دا عيب فى الباترون ولا عيب فى عينى هههههههه وجزاكى الله خيرا وياريت تقوليلى الحل

ام حفصه 2 كتب:

يا اخت ساره انا لما وصلت لعمل 10 عماويد زى الباترون لقيت السطر اللى تحته كمان 10عماويد ونهايته 9 عماويد فياترى دا عيب فى الباترون ولا عيب فى عينى هههههههه وجزاكى الله خيرا وياريت تقوليلى الحل

لا العيب ف عنيكي ههههههههههههههههههههههه ف غلط عندك انتي المفروض اظبطيه من الاول ف غلط من السطر الاول يا ماما انا نبهت لازم التركيز لو تفتكري علشان اللخبطه دي الغلط من السطر الاول عدي بس وانتي تشوفي

يعطيك العافيه بالتوفيق

bossa كتب:

يعطيك العافيه بالتوفيق

شكرا يا غاليتي لمرورك لموضوعي وبالتوفيق لنا جميعا

[ندعوك للتسجيل في المنتدى أو التعريف بنفسك لمعاينة هذه الصورة]

يا ساره انا شغلى مظبوط انا بتكلم عن الباترون نفسه وجدت فى الباترون انه مكرر سطر ال10 اعمده ونهايه السطر عامله 9 اعمده شوفى كده الباترون وانتى تعرفى

ام حفصه 2 كتب:

يا ساره انا شغلى مظبوط انا بتكلم عن الباترون نفسه وجدت فى الباترون انه مكرر سطر ال10 اعمده ونهايه السطر عامله 9 اعمده شوفى كده الباترون وانتى تعرفى

يا حبيبت قلبي يا ام حفصه الباترونات كلها ممكن تلاقي فيها اخطاء ولاكن تقريبيه لان ده شغل كمبيوتر ياستي البني ادم بيخطا وبعدين هوه انا اللي عملاه ههههههههههههه شغلي مخك هتلاقي ان كل سطر بيقل ممكن يكون سهو من اللي راسمو اخطاء خفيفه انا هديلو علقه علشان خطرك اللي غلط ف رسم الباترون ده هههههههههههههههههههههه

ام حفصه 2 كتب:

يا ساره انا شغلى مظبوط انا بتكلم عن الباترون نفسه وجدت فى الباترون انه مكرر سطر ال10 اعمده ونهايه السطر عامله 9 اعمده شوفى كده الباترون وانتى تعرفى

حببتي شغلي مخك الفكره بتاعت الباترون ان العواميد بتقل ف كل سطر واحد ماشي هوه جه هنا وغلط نعلقلو المشنقه بقي ولا ايه ههههههههههههه وبعدين
مش انا اللي رسماه يعني حولي تتعاملي مع الباترون بالفاكره العامه الاول لانك وارد تلاقي اخطاء احنا بشر بنغلط الجهاز مش هيغلط؟ هههههههههههه تعرفي انا هموتو اللي رسم الباترون ده وغلط فيه علشانك هههههههههههه [ندعوك للتسجيل في المنتدى أو التعريف بنفسك لمعاينة هذه الصورة]

طيب ياستى علشان خاطرك نسامحو المرادى ههههههههههه هكمل شغل عادى ولما اخلص اقلك

ام حفصه 2 كتب:

طيب ياستى علشان خاطرك نسامحو المرادى ههههههههههه هكمل شغل عادى ولما اخلص اقلك

ماشي نسامحو خلصي بقي شغلك

تسلم يداك على هذا العمل الرائع

douda كتب:

تسلم يداك على هذا العمل الرائع

[ندعوك للتسجيل في المنتدى أو التعريف بنفسك لمعاينة هذه الصورة]

شغل اكثر من رائع يبارك فيكى حبيبتى واشكر كل من رحب بى فى هذا المنتدى الرائع المفيد

نجلاء حسن كتب:

شغل اكثر من رائع يبارك فيكى حبيبتى واشكر كل من رحب بى فى هذا المنتدى الرائع المفيد

اشكرك يا نجلاء علي كلامك الرقيق يا قلبي ومرحبا بيكي ف المنتدي بتاعنا نورتي بجد يا حببتي اي حاجه انا ف الخدمه لا تتررددي [ندعوك للتسجيل في المنتدى أو التعريف بنفسك لمعاينة هذه الصورة]

انا خلصت لحد ما فضل عامود على كل جانب ومستنية الباقى
بس على فكرة وبجد انا اول مرة اشترك فى ورشة ولاقيتها مفيدة جدا
انا بجد مش عارفة اشكرك ازاى على مجهودك الرائع وشرحك البسيط
[ندعوك للتسجيل في المنتدى أو التعريف بنفسك لمعاينة هذه الصورة]

مش عارفه ليه ياسوسو وصلت لحد نهايه شرحك وضربت لخمه ليه مش عارفه اكمل ياريتك تشرحى خمس سطور كمان ويبقى جزاكى الله خيرا [ندعوك للتسجيل في المنتدى أو التعريف بنفسك لمعاينة هذه الصورة]

fagr gehad كتب:

انا خلصت لحد ما فضل عامود على كل جانب ومستنية الباقى
بس على فكرة وبجد انا اول مرة اشترك فى ورشة ولاقيتها مفيدة جدا
انا بجد مش عارفة اشكرك ازاى على مجهودك الرائع وشرحك البسيط
[ندعوك للتسجيل في المنتدى أو التعريف بنفسك لمعاينة هذه الصورة]

شطوره يا فجر يا حببتي وشكرا علي كلامك الجميل يا قلبي ومش هتندمي طول منتي ف المنتدي ولسا ف ورش اكتر وافيد بكتييييييييير وطبعا لازم الشرح يكون بسيط علشان البنات تحب الكروشيه لاني بعشقووووووووووووو وعاوزه الكل يموت فيه وماتترددي يا غاليتي لو عندك اي استفسار انا مكرسه حياتي ليكو والله العظيم باذن الله بكره ولا حاجه كدا هنزل بقيت الشرح

ام حفصه 2 كتب:

مش عارفه ليه ياسوسو وصلت لحد نهايه شرحك وضربت لخمه ليه مش عارفه اكمل ياريتك تشرحى خمس سطور كمان ويبقى جزاكى الله خيرا [ندعوك للتسجيل في المنتدى أو التعريف بنفسك لمعاينة هذه الصورة]

ايه اللي ضربتي فيه لخمه بالظبط انتي لو ماشيه علي الشرح مش هتتلخبطي خالص البنات خلصو ومفيش حاجه وقفه معاهم يارت تحددي انتي ايه واقف معاكي وسيبك من الباتروووووووووون خاااااااااااااااااااالص ركزي ف الشرح وبس متلخبطيش نفسك بالباترون والتزمي بالشرح ولو حصل وفيه عواميد زياده عن جانب عن التاني يبقي اللخبطه من اول سطر حددي انتي ايه لخبطتك يا ام حفصه