تذكير بمساهمة فاتح الموضوع :

[ندعوك للتسجيل في المنتدى أو التعريف بنفسك لمعاينة هذه الصورة]

اذيكم يا حلوات المنتدي يارب تكونو بخير النهارده انتهيت من عمل بلوزه يارب تنول اعجابكم حبيبي وباذن الله نعملها ورشه تكون ظريفه وخفيفه علي الجميع اللي هتشارك تجهز حالها وخيوطها وهنتبتدي قريب باذن الله ومتنسوش التقيم يا حلوات اسيبكم مع البلوزه



[ندعوك للتسجيل في المنتدى أو التعريف بنفسك لمعاينة هذه الصورة]

ياليت ياحبيبتي نعمل البلوزة بالورشه التانيه لو مافيها كلافه عليكي لانها عجبتني ونفسي اعملها
ربي يخليكي ويسعدكي يارب
انا جهزت الخيوط ومستعده للورشه دي
:)

انا نفسى اعمل بديهات ليها بس مش عارف ازاى اتواصل معكى ارجو المساعده
انا بعرف اشتغلى كروشيه بس لازم يكون فى باترون علشان اشتغلى ارجو المساعده
جزاءك الله خيرا

انا نفسى اعمل بديهات ليها بس مش عارف ازاى اتواصل معكى ارجو المساعده
انا بعرف اشتغلى كروشيه بس لازم يكون فى باترون علشان اشتغلى ارجو المساعده
جزاءك الله خيرا

huda78 كتب:

ياليت ياحبيبتي نعمل البلوزة بالورشه التانيه لو مافيها كلافه عليكي لانها عجبتني ونفسي اعملها
ربي يخليكي ويسعدكي يارب
انا جهزت الخيوط ومستعده للورشه دي
:)

انا عنيه ليكي طبعا بس اي ورشه تقصدي

huda78 كتب:

ياليت ياحبيبتي نعمل البلوزة بالورشه التانيه لو مافيها كلافه عليكي لانها عجبتني ونفسي اعملها
ربي يخليكي ويسعدكي يارب
انا جهزت الخيوط ومستعده للورشه دي
:)

من عنيه والله بس اي ورشه تقصدي واي بضيهات عاوزه تعمليها وان شاء الله نلاقي الباترونات لو عندك انتي بضي ومش لاقيه باترونه ابعتيه وباذن الله نلاقي باترون

ماشاء الله عليكى تسلم ايديك

moooraa كتب:

ماشاء الله عليكى تسلم ايديك

[ندعوك للتسجيل في المنتدى أو التعريف بنفسك لمعاينة هذه الصورة]

ها يا بنات مستعدين؟ نبدا ولا ايه قولولي ونبدا علي طول

جدااااااااا رائعة

يعنى انا الوحيدة اللى ما ظهرت عندى البلوزة؟ طيب ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟[b]

ليلى حسيب كتب:

يعنى انا الوحيدة اللى ما ظهرت عندى البلوزة؟ طيب ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟[b]

اكيد عيب نت يا امي لانها ظهرت عند البنات كلها وعلي كل اجبها لحد البيت تشوفيها يا بس كده من عيوني

ساره مازن كتب:

huda78 كتب:

ياليت ياحبيبتي نعمل البلوزة بالورشه التانيه لو مافيها كلافه عليكي لانها عجبتني ونفسي اعملها
ربي يخليكي ويسعدكي يارب
انا جهزت الخيوط ومستعده للورشه دي
:)

من
عنيه والله بس اي ورشه تقصدي واي بضيهات عاوزه تعمليها وان شاء الله نلاقي
الباترونات لو عندك انتي بضي ومش لاقيه باترونه ابعتيه وباذن الله نلاقي
باترون

ربي يسعدكي يارب
اقصد دي الورشه قلتي هنعملها بعد الورشه دي
بس لو بتعبكي خلاص مو لازم

huda78 كتب:

[ندعوك للتسجيل في المنتدى أو التعريف بنفسك لمعاينة هذه الصورة]

ده كان ردك

ساره مازن كتب:

[ندعوك للتسجيل في المنتدى أو التعريف بنفسك لمعاينة هذه الصورة]
وعلي كل اختي لو حابه نفس الاستايل ده انا معنديش مانع نعمله برضو بعد الورشه ولايهمك يا قمرايه

وجهزت حالي للورشه الحاليه اشتريت الخيوط :)

مستعده :)

حاضر يا لغاليه راح نبدا واشتغلي معايا الخطوات هشتغل الورشتين مع بعض واللي حابه اي واحده تشتغلها من عيوني هدي

شكرا يا سارة

العفو يا ست الحبايب انا ف الخدمه دايما

مشاء الله جميلة وتسليم الأيادى معك فى الورشة أت شا الله ارجو التنبية بميعاد الورشة مع الشكر

انا معاكي فى الورشه لان البلوزه دي عاجبتني مره ودي اعمل وحده مثلها بس متى الورشه

10P

حلوة برشا انا نعمل في واحدة تشبهها في منتدى آخر وبالتوفيق حبيبتي

ياسلاااام
بأذن الله راح اشتغلها الاثنين كلهم واوريكي شغلي
ربي يسعدكي يااارب
[ندعوك للتسجيل في المنتدى أو التعريف بنفسك لمعاينة هذه الصورة]

huda78 كتب:

ياسلاااام
بأذن الله راح اشتغلها الاثنين كلهم واوريكي شغلي
ربي يسعدكي يااارب
[ندعوك للتسجيل في المنتدى أو التعريف بنفسك لمعاينة هذه الصورة]

اي خدمه يا هدي عنيا ليكي يا قمرايه انتي وكل البنات يلا بقي الهمه ورانا شغل كتير ولازم التطبيقات يا بنلات اشوفها

همس الغلا كتب:

ا [ندعوك للتسجيل في المنتدى أو التعريف بنفسك لمعاينة هذه الصورة]
اذيكم يا بنات يا حلوين عاملين ايه معلش انا بعتذر عن تعديلي للمساهمات بتاع البنات علشان انتم عارفين بحب الشرح يكون ف الاول بس محدش يزعل مني يلا بقي نبدا ف شرح بلوزتين مع بعض بناء علي طلب الاخوت
اولا شرح البلوزه اللي ف العرض
السطر الاول اليلوزه مكونه من قسمين والقسمين هيكونم نفس الشرح هتعملي سلسله بمقاس الصدر الواحد مش الصدر كله انا مثلا عندي مقاس الصدر الواحد طلع 50 غرزت سلسله وزوت عليهم 12 غرزه مقدار التداخل بين القسمين ودي فكرت الصدر بتاع البلوزه انه متداخل في بنات تحب يكون التداخل اكبر علشان يلم الصدر مثلا فبتزود عدد الغرز والزياده هتكون ف القسمين بنفس العدد يعني لو عملتي زياده ف الغر12 يبقي الناحيه التنيه ازودي 12 غرزه برضه ماشي الكلام؟ يبقي انا عملت 50 غرزه وزوت 12 يبقي عندي عدد السلاسل من البدايه 65 غرزه هتعملي تلات سلاسل برضه كارتفاع عمود وتيجي ف الغرزه الرابعه وتعملي عمود وتكملي السطر كله عمواميد

السطر التاني هتعملي تلات سلاسل ارتافع اول عمود برضه وتيجي علي العمود التاني وتعملي عمود ولاكن متقفليهوش والعمود اللي بعده هتعملي عمود ومتقفلهوش وتخدي العمودين ف عمود واحد كده بقي التنقيص ف العواميد وتكملي السطر كله عواميد عادي لحد متوصلي لاخلا تلات عواميد هتعملي علي العمود عمود ومتكمليهوش واللي بعده عمود ومتكمليهوش وتخدي العمودين ف غرزه وحده وتعملي عمود علي اخر عمود
السطور كلها بتاعت الصدر بتاعك هتكمليها بنفس الطريقه لحد متوصلي لعدد معين من العواميد انتي تحدديه مثلا عشر عواميد وده هيكون عرض الحماله طبعا اللي عوزاه رفيع تقلل ف العواميد واللي عوزاه اعرض تترك عواميد اكتر والصدر التاني هتشتغليه بنفس عدد الغرز وبنفس الشرح وكده يكون ده اول جزء من البلوزه خلصيه ونزليلي التطبيق علشان نكمل الباقي وباذن الله البلوزه سهله زي منتم شايفين والشرح بسيط


ثانيا بقي نيجي لشرح البلوزه اللي الاخت طلبتها هنسميها البلوزه المطلوبه

الصدر برضه مكون من قسمين زي البلوزه اللي قبلها ولاكن هنا الشرح بيكون مختلف ف عمل الصدر وكل صدر برضه هنشتغله لوحد الفكره بقي ان ف البلوزه السابقه بيكون العواميد معدوله اما هنا العواميد مايله تمام؟
السطر الاول البلوزه هتبتدي من تحت لفوق ولاكن بطريقه مختلف هتعملي اربع سلاسل التلات سلاسل الاولي ارتفاع اول عمود وهتيجي علي السلسله الرابعه وتعملي فيها عمودين كده بقي عندي تلاته عمود ف السطر الاول

السطر التاني هتعمليتلات سلاسل ارتفاع اول عمود وعمود ف نفس المكان تزويد ماشي؟ وعمود علي العمود وعمودين علي اخر عمود كده بقي عندي 5 عواميد ف السطر التاني

السطر التالت هتعملي تلات سلاسل ارتفاع اول عمود وعمود علي العمود اللي بعد وعلي كل عمود من السطر السابق عمود كده بقي عندي 5 عواميد برضه



السطر الرابع هتطلع تلات سلاسل ارتفاع اول عمود وعمود ف نفس المكان وعلي كل عمود بعد كده عمود وعلي اخر عمود هتعملي عمودين بنفس المكان يبقي عندي 7 عواميد


السطر الخامس هتعملي ارتفاع السطر تلاته عمود وبعد كده هتعملي علي كل عمود من السطر السابق عمود هيبقي عندي 7 عواميد


السطر السادس هتطلعي تلاته عمود ارتفاع السطر وعمود ف نفس المكان وبعد كده علي كل عمود عمود لحد متوصلي لاخر عمود اعملي عليه عمودين يبقي عندي ف السطر ده 9 عواميد

السطر السابع هتطلعي تلات سلاسل ارتفاع اول عمود وعلي كل عمود عمود من السطر السابق يبقي 9 عواميد

السطر الثاامن هتطلعي تلاته عمود ارتفاع السطر وعمود ف نفس المكان وتعملي علي كل عمود عمود من السطر السابق وعلي اخر عمود عمودين يبقي عندي 11 عمود ف السطر ده


هتشتغلي بنفس النظام لحد ما توصلي للمقاس اللي انتي عوزاه وطبعا الصدرين هتشتغليهم بنفي الشرح ده


وبكده نكون خلصنا الجزء الاول يا بنات من الشرح الهمه معايا علشان نخلص ونتفرغ لباقي الورشات ومعلش الصور مافيش ف الجزء ده لان الكاميرا بتاعتي بعافيه شويه معلش هحاول يكون ف صور ف الجزء القادم ومفيش شرح هينزل تاني الا بالتطبيقات اشوفها للبلوزتين علشان لو ف خطا عند وحده نصلحه يا بنوتات وده باترون الصدر باتع البلوزه المطلوبه








[ندعوك للتسجيل في المنتدى أو التعريف بنفسك لمعاينة هذه الصورة]

اختي او سمحتي انت تشرح خطوات البلوزة مثلا البلوزة الاول واضحة شرح خطوات السطر الثاني غير واضح واتمني لو اضافة الشرح موضحة بالصور حتي يكون اسهل
اما بالنسبة لبلوزة الثاني اتمني وصع صورة اعلي الشرح حتي تكون معروفة اكثر .
[ندعوك للتسجيل في المنتدى أو التعريف بنفسك لمعاينة هذه الصورة]

اقتباس :

السطر التاني هتعملي
تلات سلاسل ارتافع اول عمود برضه وتيجي علي العمود التاني وتعملي عمود
ولاكن متقفليهوش والعمود اللي بعده هتعملي عمود ومتقفلهوش وتخدي العمودين ف
عمود واحد كده بقي التنقيص ف العواميد وتكملي السطر كله عواميد عادي لحد
متوصلي لاخلا تلات عواميد هتعملي علي العمود عمود ومتكمليهوش واللي بعده
عمود ومتكمليهوش وتخدي العمودين ف غرزه وحده وتعملي عمود علي اخر عمود

مافهمت اللي بالاحمر
كيف مانقفله ؟؟
معليش ياساره حاولت افهم ماقدرت