السلام عليكم ان شاء الله هنبدا بكره الصبح
يعني السبت

بسم الله نكمل الشرح واتمني يا بنات انه بعد الجزء اشوف تطبيقات


السطر الثاني
بتبدئي ب3سلاسل ارتفاع العمود ثم مروحتين مثل السطر السابق بالظبط

ثم سلسلتين وغرزه حشو في اول لوب مكون من (5سلاسل ثم 5سلاسل وغرزه حشو في اللوب التالي)
وكرري لغايه ماتوصلي للمروحه اللي في النص


اعملي سلسلتين ثم (عمودين-سلسله-عمودين-سلسله-عمودين)
في اللوب اللي في الوسط بين المروحتين من السطر السابق
ثم سلسلتين وغرزه حشو في اللوب المكون من 5سلاسل التالي

[ندعوك للتسجيل في المنتدى أو التعريف بنفسك لمعاينة هذه الصورة]

كملي 5سلاسل وغرزه حشو في اللوب من السطر السابق وينتهي السطر بمروحتين زي اللي في السطر السابق ثم عمود في اخر غرزه ولفي
وده شكل السطر بعد ما ينتهي

[ندعوك للتسجيل في المنتدى أو التعريف بنفسك لمعاينة هذه الصورة]

ملحوظه يا بنات لازم تاخدوا بالكم منها انكم تدخلو السلستين اللي بعد المروحتين اللي بدايه السطر واللي في نصف السطر في اول لوب مكون من خمس سلاسل جمبهم علشان العدد يظبط معاكم والسطور تبقي مساويه زي الصوره كده
[ندعوك للتسجيل في المنتدى أو التعريف بنفسك لمعاينة هذه الصورة]


السطر الثالث
ابدئي
ب3سلاسل ثم مروحتين ثم سلسلتين وغرزه حشو في اللوب المكون من 5سلاسل من السطر السابق
ثم 5(سلاسل وغرزه حشو في اللوب التالي)وكرري مابين القوسين حتي تصلي الي مروحه المنتصف

اعملي سلسلتين ثم(عمودين سلسله عمودين )في اول لوب مكون من سلسله (ثم سلسلتين ثم(عمودين -سلسله-عمودين )في ثاني لوب ثم سلسلتين وغرزه حشو في اللوب التالي المكون من 5سلاسل
وكملي السطر (5سلاسل غرزه حشو)حتي النهايه وانهيه بمروحتين زي اللي في السطر السابق ثم عمود في اخر غرزه

واسفه انه مفيش صور بس الكاميرا كانت فصلت شحن

السطر الرابع
ابدئي ب3سلاسل ثم مروحتين مثل السطر السابق
ثم سلسلتين وغرزه حشو في اللوب المكون من 5سلاسل التالي ثم (5سلاسل ثم غرزه حشو في اللوب التالي ) وكرري لغايه المروحه الوسطي

[ندعوك للتسجيل في المنتدى أو التعريف بنفسك لمعاينة هذه الصورة]


اعملي سلسلتين ثم (عمودين -سلسله- عمودين)في اول لوب
ثم عمودين -4سلاسل-عمودين في اللوب التالي(المكون من سلسلتين بين المجموعتين) ثم عمودين سلسله عمود في اللوب التالي
[ندعوك للتسجيل في المنتدى أو التعريف بنفسك لمعاينة هذه الصورة]


ثم سلسلتين وغرزه حشو في اللوب التالي المكون من 5سلاسل ثم (5سلاسل ثم غرزه حشو في اللوب التالي)
وكرري حتي اخر السطر
انهيه بمروحتين مثل السطر السابق ثم عمود في اخر غرزه

شوفوا ده شكل اللي بعد مروحه الوسط

[ندعوك للتسجيل في المنتدى أو التعريف بنفسك لمعاينة هذه الصورة]


السطر الخامس
بنبدا عادي برضه ب3سلاسل ثم مروحتين ثم سلسلتين وتعملي اللوبات بتاعتك
لغايه ماتوصلي لمروحه الوسط


[ندعوك للتسجيل في المنتدى أو التعريف بنفسك لمعاينة هذه الصورة]

بتعملي في اللوب الاول( عمودين-سلسله-عمودين)
بتعملي في اللوب الاوسط المكون من 4سلاسل 14 عمود بلفتين وطبعا بلفتين علشان يعطينا طول في الجزء ده
ثم في اللوب الثالث (عمودين-سلسله-عمودين)


[ندعوك للتسجيل في المنتدى أو التعريف بنفسك لمعاينة هذه الصورة]

وتكملي السطر عادي زي مااتعودنا وتنهيه بمروحتين ثم عمود في اخر غرزه

[ندعوك للتسجيل في المنتدى أو التعريف بنفسك لمعاينة هذه الصورة]



• خدوا بالكم يا بنات من حاجه مهمه عدد اللوبات بيقل كل ماطلعنا لغايه مايخلصوا خالص زي ماهو باين في الباترون ومفروض يكونوا بيقلوا معاكوا واللي مش بتقل معاها عدد اللوبات كل سطر لوب يبقي هي بتعمل حاجه غلط
• عدد الاعمده اللي في المروحه الوسطي في السطر الخامس ممكن يتغير حسب رغبتك في تكبير او تصغير حجم الاناناسه وطول المايوه

بسم الله توكلنا عي الله نكمل الشرح

السطر السادس

بنبدا عادي برضه ب3سلاسل ثم مروحتين ثم سلسلتين وتعملي اللوبات بتاعتك
لغايه ماتوصلي لمروحه الوسط


حانعمل علي ال14 عمود في مروحه الوسط سطر عمود سلسله-عمود-سلسله علي ال14 عمود كده
بس انا نسيت اصور السطر ده فا حطيت صوره السطر اللي بعده فا خدوا بالكوا

[ندعوك للتسجيل في المنتدى أو التعريف بنفسك لمعاينة هذه الصورة]


خلصي السطر عادي

فيه طريقه تانيه وهي طريقه الباترون ده

بدل ماتعملي عمود-سلسله

اعملي عمودين مجمعين عند القمه وكرري 14 مره

اول غرزه في الرابط الرائع ده

[ندعوك للتسجيل في المنتدى أو التعريف بنفسك لمعاينة هذا الرابط]

وكملي السطر عادي



السطر السابع

بنبدا السطر بمروحتين ثم اللوبات المكونه من 5سلسله لغايه ماتيجي لمروحه الوسط

[ندعوك للتسجيل في المنتدى أو التعريف بنفسك لمعاينة هذه الصورة]


اعملي اول مروحه من المروحتين اللي علي جانبيها ثم سلسلتين وغرزه حشو في اول لوب مكون من سلسله بين اول عمود وثاني عمود ثم (4سلسله ثم غرزه حشو في اللوب التالي)

وكرري حتي اخر لوب
ثم سلسلتين واعملي المروحه وكملي السطر عادي

كده
[ندعوك للتسجيل في المنتدى أو التعريف بنفسك لمعاينة هذه الصورة]


لو حاتعملي بطريقه الباترون اعملي غرزه الحشو بين كل غرزتين


استمري بقي في الشغل علي نفس المنوال

لغايه اللوبات اللي في الجانبين مايخلصوا

بتعملي المروحتين في بدايه السطر ثم 3سلاسل ثم غرزه حشو في اللوب ثم 3سلاسل ثم بتعملي المروحه اللي قبل الاناناسه ثم 3سلاسل ثم لوبات الاناناسه وتكملي الناحيه الاخري مثلها


ده شكل السطر الثامن

[ندعوك للتسجيل في المنتدى أو التعريف بنفسك لمعاينة هذه الصورة]

السطر التاسع

[ندعوك للتسجيل في المنتدى أو التعريف بنفسك لمعاينة هذه الصورة]

السطر العاشر

[ندعوك للتسجيل في المنتدى أو التعريف بنفسك لمعاينة هذه الصورة]

السطر الحادي عشر

[ندعوك للتسجيل في المنتدى أو التعريف بنفسك لمعاينة هذه الصورة]

السطر الثاني عشر

طبعا احنا ماشين بنفس الطريقه علشان نوصل انه اللوبات اللي بين الاناناسه وبين مرواح البدايه والنهايه تختفي تماما

[ندعوك للتسجيل في المنتدى أو التعريف بنفسك لمعاينة هذه الصورة]


دلوقت احنا وصلنا للسطر اللي قفلنا فيه اللوبات اللي علي الجانبين
اللي هو المفروض لو ماشيه بنفس عدد الغرز 90 في البدايه
هيكون السطر 14

زي ما هو واضح طبعا في الصوره انه بعد ما خلصت اللوبات اللي في النصف في السطر 13 هنوصل مروحتين البدايه بمروحه الوسط بسلستين ونفس الشي الناحيه التانيه

[ندعوك للتسجيل في المنتدى أو التعريف بنفسك لمعاينة هذه الصورة]

وهنوقف لغايه كده علشان متتلخبطوش اول ما تنزلوا التطبيق ده نكمل ان شاء الله

السطر التالي


بعد كده هنعمل كذا سطر كالتالي


مروحتي البدايه-سلسله-مروحه الجنب- -3سلاسل-الاناناسه-3سلاسل-مروحه الجنب -سلسله- مروحتي النهايه
والشكل ده مع اخر دور في الاناناسه وزي ماانتوا ملاحظين فاضل لوب واحد منها هوريكم كذا سطر علشان تفهمو اكتر

[ندعوك للتسجيل في المنتدى أو التعريف بنفسك لمعاينة هذه الصورة]

ده الشكل النهائي

[ندعوك للتسجيل في المنتدى أو التعريف بنفسك لمعاينة هذه الصورة]

وبعد كده نبدا اضافه مراوح لتعويض الاناناسه ولعمل التوسيع اللي بعدها

السطر التالي
نبدا بمروحتي البدايه -سلسلتين-3 عمود في اللوب المكون من سلسله اللي بين مروحه البدايه ومروحه الجنب للوسط-- سلسلتين- مروحه الجنب للوسط-4سلسله- غرزه حشو في اخر لوب من الاناناسه- 4سلاسل- مروحه الجنب الاخر للوسط-سلسلتين-3عمود في اللوب اللي بين مروحه الجنب الاخر للوسط واول مروحه من مروحتي النهايه- سلسلتين-مروحتي النهايه

[ندعوك للتسجيل في المنتدى أو التعريف بنفسك لمعاينة هذه الصورة]


السطر التالي

مروحتي البدايه-سلسلتين-

فاكرين ال3عمود اللي عملناهم بين المروحتين في السطر السابق

حانعمل فيهم التالي
عمودين (بين اول عمود وثاني عمود)-سلسله-عمودين (بين ثاني عمود وثالث عمود)


بعدين 3سلسله- مروحه الجنب الاول - سلسلتين- مروحه الجنب الثاني وكرري نفس اللي عملتيه في الجنب الاول وانهي السطر بمروحتي النهايه
وده شكل المروحه اللي عملتيها في ال3عمود

[ندعوك للتسجيل في المنتدى أو التعريف بنفسك لمعاينة هذه الصورة]

ارجو ان الكلام يكون واضح

خدي بالك اننا بنزود دلوقت في المروحه اللي زودناها بين مروحتي البدايه ومروحه الوسط
ومن الناحيه التانيه برضه بين مروحه الوسط ومروحتي النهايه
وخلي بين مروحتي الوسط علي طول سلسلتين او ثلاثه علشان يكون الشغل مريح معاكي

السطر التالي
اعملي مروحتي البدايه -سلسلتين

(عمودين -سلسله- عمودين-) في اول لوب من المروحه اللي زودناها بين مروحتي البدايه ومروحه الوسط -ثم سلسلتين- ثم (عمودين -سلسله-عمودين) في ثاني لوب
وتكملي عادي لغايه الناحيه التانيه من السطر وتكرري اللي عملتيه في الناحيه الاولي وتتهي السطر بمروحتي النهايه

[ندعوك للتسجيل في المنتدى أو التعريف بنفسك لمعاينة هذه الصورة]


السطر التالي
حاتعملي مروحتي البدايه ثم سلسلتين ثم-
عمودين -سلسله-عمودين في اول لوب من المروحه و(حانتفق ان مروحه الوسط اللي زودناها بين مروحتي البدايه ومروحه الوسط اسمها و ) سيم يعني ههههه
ثم سلسلتين- ثم (عمود-سلسله- عمود )في اللوب اللي في الوسط -ثم سلسلتين-ثم(عمودين -سلسله-عمودين )في اللوب الاخير
ثم 3سلسله
كده

[ندعوك للتسجيل في المنتدى أو التعريف بنفسك لمعاينة هذه الصورة]


وكملي السطر وبرضه نكرر في المروحه و في الجهه الاخري ونقفل بمروحتي النهايه
السطر التالي
برضه مروحتي البدايه-سلسلتين-
مروحه في اول مروحه من المروحه و- سلسلتين- مروحه في اللوب المكون من سلسله بين العمودين -سلسلتين-مروحه في ثاني مروحه من المروحه و- 3سلاسل وكملي السطر وكرري مع المروحه و في الجهه التانيه واقفلي بمروحتي النهايه
انا نسيت اصور السطر فا ده اللي بعده

[ندعوك للتسجيل في المنتدى أو التعريف بنفسك لمعاينة هذه الصورة]



السطر التالي
مروحتي البدايه-سلسلتين
مروحه في اول مروجه من المروحه و-
في ثاني مروحه
اعملي (عمود- سلسله-عمودين-سلسله-عمود )-وفي ثالث مروحه اعملي مروحه
ثم 3سلسله وكرري في الجهه الاخري من السطر واقفلي بمروحتي النهايه

[ندعوك للتسجيل في المنتدى أو التعريف بنفسك لمعاينة هذه الصورة]


السطر التالي
اعملي مروحتي البدايه ثم سلسلتي ثم مروحه في اول مروحه تاليه- ثم سلسلتين-ثم مروحه في اللوب الاول من المروحه التاليه ثم سلسلتين ثم مروحه في اللوب التالي ثم سلسلتين ثم مروحه في المروحه التاليه ثم 3سلاسل واعملي مروحتي الوسط وكملي الناحيه التانيه مثلها

[ندعوك للتسجيل في المنتدى أو التعريف بنفسك لمعاينة هذه الصورة]

السطر التالي
ابدئي بمروحتي البدايه ثم سلسلتين-ثم مروحه في اول مروحه تاليه -سلسلتين- مروحه في المروحه التاليه- سلسلتين-في اللوب المكون من سلسلتين بين المروحه دي والمروحه التي تليها اعملي
(عمود- سلسله- عمود )
-ثم سلسلتين- ثم مروحه في المروحه التاليه ثم سلسلتين- ثم مروحه في المروحه التاليه-ثم 3سلاسل ثم مروحتي الوسط وكملي الناحيه التانيه زيها

[ندعوك للتسجيل في المنتدى أو التعريف بنفسك لمعاينة هذه الصورة]


كده هيبقي فاضل البرا بس لما تخلصوا ده هنعمل البرا يلا شيدوا حيلكم

بسم الله توكلنا علي الله نبدا بالبرا
خدوا بالكم اننا هنشتغل بس في نصف البدي بس يا بنات يعنر مش هنمشي سطر لغايه اخره

والكاميرا بتاعتي كانت مش شغاله فا فيه بعض استعنت فيها بصور من ورشه اخت فاضله ليا


انتي دلوقت وصلتي لاخر السطر

اعملي 6سلاسل وسيبي اول مروحه وابدئي تاني مروحه من

كده خلصنا من مروحه

اعملي تاني مروحه ثم سلسلتين-ثم المروحه التاليه ثم سلسلتين ثم 3مراوح في ال3مراوح التاليه بدون ماتفصلي بينهم بالسلسلتين المعتادين
يعني اعمليهم ورا بعض-ثم سلسلتين-ثم مروحه -ثم عمود ولفي
مفروض كده عملنا لغايه اول مروحه من مروحتي الوسط للمايوه

[ندعوك للتسجيل في المنتدى أو التعريف بنفسك لمعاينة هذه الصورة]


هنطلع ب 3سلاسل ثم مروحه ثم سلسلتين
حايقابلك ال3مراوح اللي جنب بعض ---اعملي التالي
في اول مروحه اعملي 7عمود -ثم 5عمود في ثاني مروحه ثم 7عمود في ثالث مروحه
كده عندك كام عمود ؟؟؟------- ثم سلسلتين ثم مروحه ثم 10 سلاسل واشبكيهم في اخر عمود من مروحه البدايه
وارجعي عليهم بغرزه منزلقه كده لغايه ماتوصلي لاول السطر تاني

[ندعوك للتسجيل في المنتدى أو التعريف بنفسك لمعاينة هذه الصورة]


دي حاتكون العروه اللي حاتشبكي فيها الحماله

وارتفعي 3سلاسل
واعملي المروحه بتاعتك ثم سلسلتين
حايقابلك ال19عمود
عايزين نزودهم
نعمل في اول عمود عمودين وفي العمود اللي بعده عمودين ونمشي بقيه الاعمده بدون زياده ثم نعمل في العمود قبل الاخير عمودين وفي العمود الاخير عمودين
كده بقي عندنا كام عمود ؟؟؟
ثم سلسلتين ومروحه ثم عمود نهايه السطر

[ندعوك للتسجيل في المنتدى أو التعريف بنفسك لمعاينة هذه الصورة]


هنا علشان اوصل بين جانبي البرا ومايكونش المسافه بينهم واسعه عملت فكره ممكن انتي تستغني عنها
وممكن وانتي بتعملي الجزء التاني من البرا توصلي بسلاسل افقيه
وممكن بشريط ساتان
انا حااعرضها وانتي لكي الحريه

بعد ماتعملي عمود النهايه بتعملي عدد من السلاسل 12 مثلا وتشبكيهم في اللوب اللي بين مروحتي الوسط وترجعي عليهم بغرز منزلقه او غرز حشو
كده

[ندعوك للتسجيل في المنتدى أو التعريف بنفسك لمعاينة هذه الصورة]




فيه ملحوظه تانيه
في الباترون عامل حماله الجنب عند تالت ورابع سطر في البرا
انا عملتها مع العروه علشان عاملاها بفكره الX علي الضهر
ولكي طبعا الحريه في الاختيار بس عايزه اقول لك
مش حاتفرق كتير



السطر التالي سطر التنقيص
حانتفق اننا دايما بنبدا السطر بمروحه وسلسلتين وننهيه بمروحه وسلسلتين ماشي
خدي عمودين مع بعض تنقيص في اول السطر وكملي الاعمده وخدي اخر عمودين مع بعض تنقيص

كده نقصتي عمودين واصبح عدد الاعمده ؟؟

السطر التالي والذي يليه والذي يليه والذي يليه(4سطور)

تنقيص 3عمود في الاول و3عمود في الاخر

وده التنقيص بتشتغلي اول عمود ومش بتنهيه ثم الثاني وتسيبي اخر لوب منه علي الابره ثم الثالث وتسيبي اخر لوب منه علي الابره

ثم تجمعيهم كلهم في غرزه واحده

والسطر اللي بعده بتعملي مروحه ثم سلسلتين وغرزه حشو في عمود المنتصف
ثم سلسلتين ثم مروحه


[ندعوك للتسجيل في المنتدى أو التعريف بنفسك لمعاينة هذه الصورة]

السطر التالي اعملي المروحتين بدون سلاسل بينهما

[ندعوك للتسجيل في المنتدى أو التعريف بنفسك لمعاينة هذه الصورة]

السطر التالي
غرزتين منزلقه الي اللوب الاوسط في اول مروحه ثم 3سلاسل وعمود في اللوب ده ثم سلسله وعمودين في اللوب الاوسط من المروحه الثانيه

[ندعوك للتسجيل في المنتدى أو التعريف بنفسك لمعاينة هذه الصورة]


كده الناحيه دي خلصت ومش تقطعي الخيط
ابدئي الناحيه التانيه بنفس ترتيب الخطوات
وبصوا بقي
انتي كده عايزه نعملي الحمالات
علي حسب رغبتك
يعني ممكن تعمليها عريضه يبقي كده تمشي بالمروحه الطول اللي انتي عايزاه
او عايزاها رفيعه يبقي تختصري المروحه لسلسه او سلسلتين
يعني الحماله علي حسب مزاجك
ممكن تكوني عايزه تربطيها خلف الرقبه وتعملي شريط تاني يربط البرا بين العروتين اللي عملناهم كده


[ندعوك للتسجيل في المنتدى أو التعريف بنفسك لمعاينة هذه الصورة]

شوفوا يا بنات المنطقه دي فيها تعديلات كتير وكل واحده واختيارها انا مثلا قلت انه هعمل الحمالات شرايط ستان

ونفس الشئ للبرا ممكن حد ممكن يكون عاوز يعملها من نفس الخيط دي طبعا حريه شخصيه للجميع

كل واحده تعمل اللي يناسب اختيارها طبعا

يعني ممكن تتطلعي من البرا الاولي وتفضلي ماشيه لغايه ما تبدئي البرا التانيه من فوق لتحت

وطبعا شرايط البرا اللي بتربطيهم دول خارجين تماما هتعملي سلاسل وتمشي فوقهم بغرز حشو زي الاساس اللي احنا عملناه في اول الشغل خالص وطبعا دي بتعتمد عليكي انتي لانك انتي اللي هتحددي كام سلسه هتكفيكي


اتمني انه البرا تكون واضحه

بسم الله توكلنا علي الله هنكمل الشرح يا بنات علشان اللي هيشتغل بسرعه وميقفش طبعا وانا موجوده متخفوش مش هختفي ههههههههههههههههههه


نبدا القسم الاسفل من المايوه او البانتي
وده حايعتمد معاكي علي مقاسات حسب رغبتك
يعني انتي اللي حاتتحكمي في الجزء ده
انا حااشرح علي الباترون وانتي امشي علي مقاس خاص بيكي
وفيه حاجه كمان
انا بافضل انه يتعمل مفتوح من الجانبين ويتعمل له شرايط يتربط بيها
لان منطقه الهانش بتكون مليانه شويه والوسط رفيع
وبيكون فيه صعوبه في لبس المايوه لو مقفول

بتيجي عند الطرف الاخر من الشغل وتعملي سطر اعمده علي السلاسل من الجهه الاخري

في اتجاه السهم الاخضر



انا كانت البدايه عندي 90 غرز علشان كده عملت 90 عمود
ممكن ينقصوا عمود او 2
ومشي كده مسافه 6سطور او7
وبعدين يبدا التنقيص
سمسمه بالنسبه للمايوه اللي انتي طالباه بتعملي عدد السطور اقل يعني 3او 4 وتبدئي التنقيص
وتعملي فيليه علي الجانبيبن يعني في بدايه السطر ونهايته عند الاسهم الحمراء
وبقيه السطر عماويد عادي


[ندعوك للتسجيل في المنتدى أو التعريف بنفسك لمعاينة هذه الصورة]


فيه حاجه كمان
لو عايزه حرف البانتي مراوح زي اللي في الباترون
ابدئي السطر بتاعك بعد اول مروحه وانهيه قبل اخر مروحه
وبعد ماتخلصي بتعملي مراوح علي حرف البانتي
وممكن تمشي عادي زي مابدات الشرح وتشطبي باي حرف عادي
ياللا اعملوا ال6 او 7سطور

[ندعوك للتسجيل في المنتدى أو التعريف بنفسك لمعاينة هذه الصورة]

وبصوا يابنات اللي هتحس انها اسهل بالنسبالها تعمل البانتي منفصل تماما وبعدين تشبكه في الشغل طبعا هي حره وممكن تجيبي بنتي من عندك وتشتغلي علي مقاسه وتشبكيه


وتكملي 6او 7سطور او حسب رغبتك
يستحسن ترجعي بسطر حشو علشان يمسك الشغل بعد كل سطر


بعد كده بتقسمي الشغل ربع في اول السطر وربع في اخره وربعين او نص عدد الاعمدع في المنتصف
ربع ال90=22.5 يعني تقريبا 23
بتمشي 23 غرزه منزلقه

وبعدين ترتفعي ب3سلاسل
بتعملي عمود غير منتهي في الغرزه التاليه ثم عمود اخر غير منتهي في الغرزه اللي بعدها
وتاخديهم كلهم في غرزه واحده(تنقيص)
بتمشي بعد كده بقيه السطر لغايه قبل نهايته بربع عدد الغرز وتاخدي اخر 3عمود برضه مع بعض (تنقيص)
ارتفعي ب3سلاسل
واعملي تنقيص كما في السطر السابق
واشتغلي حتي قبل نهايه السطر ب3عمود وخديهم مع بعض تنقيص ثم ارتفعي ب3سلاسل ولفي لعمل السطر التالي

بعد كده انتي ورغبتك ومقاسك

يعني ممكن تستمري بالتنقيص 3عماويد علي كل جانب وممكن تكتفي بكده وتعملي تنقيص عمودين فقط علي كل جهه

حسب العرض والطول اللي انتي عايزاه

لغايه ماتوصلي لعرض 11الي 14عمود تقريبا وامشي بيه بدون تنفيص مسافه4

سطور تقريبا ثم ابدئي التزويد لعمل ضهر الاندر

[ندعوك للتسجيل في المنتدى أو التعريف بنفسك لمعاينة هذه الصورة]



بعد ماتمشي السطور من غير زياده او تنقيص
ابدئي التزويد
حسب الباترون
بيعمل 9سطور بيزود من الناحيتين 3عماويد في عمود البدايه
لو لقيتي انك محتاجه تزودي كمان سطر او سطرين زودي
وبرضه لو عايزه تقللي قللي
وبعدين تعملي 4سطور تزودي عمودين في كلا من العمود الاول والاخير في السطر لمسافه 4
سطور
وبعد كده تعملي سطر تزودي 3عمود في كلا من عمودي البدايه والنهايه في السطر (يعني العمود الواحد تخليه 3عمود )
وبعدين تمشي بدون زياده او تنقيص نفس عدد الاسطر اللي عملتيها في الجزء الامامي
وتقفلي
ممكن تعملي شبكه يكون السطر فيها
عمود-سلسله-عمود-سلسله
لمسافه 3او 4سطور وده برضه برغبتك
وتعملي حافه تزيينيه وتركبي اربطه في جانبي الاندر زي الصوره اللي في الرد السابق
او لو عايزه اقفلي الجانبين
يعني لو حايتلبس بسهوله
وخلاص مبروك عليكي اللانجيري

[ندعوك للتسجيل في المنتدى أو التعريف بنفسك لمعاينة هذه الصورة]

انا حجزت اماكن للشرح علشان يبقي الشرح مجمع في الاول ومحدش يدور في الصفحات علي الشرح وان شاء الله الجميع يستفيد واتمني يكون الشرح وافي

شكرا عزيزتي ريمو وان شاء الله نكون في الموعد.

في انتظارك ريمو علي نار نفسي اعمل لانجيري من زمان اشكرك مقدما

انا للاسف مش عارفه اعمل تعديل علي المشاركات اللي حجزتها للشرح ومش عارفه ليه فا ان شاء الله بكره كده كده هبدا الشرح

انا معاكي انشاء الله

ومشكوورة يا حلوة
der

ماشاء الله الورشة رائعة انا هشترك معاكو من بكرة بس اكون خلصت الجاكيت الدائرة بس عاوزة اسالك سؤال يا ريمو احنا ازاى هنعمل اللانجيرى من الخيط الصوف وكمان التخين دة كدة هيبقى شيتوى بس وكمان هيبقى تقيل انا بس حبيت استفسر ولا نعملو بخيط قطن احسن ولا انتى اة رايك

حبيبتي دودي يا قمر ده خيط قطن مش صوف مينفعش صوف اصلا يا بنات البكره هي اللي شكلها كبيره في الصوره بس انما دي 50 جرام واحنا هنحتاج بكرتين ونصف والقطن الرفيع يا بنات مش هيعطي نفس النتيجه لازم يكون قطن سميك

الحمد لله المشكله اتحلت والشرح كله هيكون موجود في الصفحه الاولي

ايه يا بنات انتوا نمتوا ولا ايه فين الشغل ده اول سطر مش ممكن عاوزين نخلصه بسرعه كده هنقعد فيه سنه

ريمو يا حبيبتى معلش اتاخرت عليكى بس انا محتارة فى الخيط مش عارفة اجيب الخيط القطن التقيل دة منين ممكن تقوليلى بيتباع فين او اقول للراجل اية بس لانى مش لاقية الا صوف او قطن رفيع

اني فين في مصر يا دودي لانه موجود عند كل بتوع الخيوط

هتلاقيه بسهوله بس ماركه تانيه مش اللي اسمها ناتشورال قطن
اسمها كاميلا

ودي صورته في مصر

[ندعوك للتسجيل في المنتدى أو التعريف بنفسك لمعاينة هذه الصورة]

ولو مش لاقيه خالص ممكن بقي تعمليه بالحرير بس طبعا يفضل القطن حاولي تلاقيه بجد

وطبعا هنتظر مش هكمل شرح غير لما الاقي حد نفذ حاجه

انا من بورسعيد يا ريمو بس المفروض الحاجات دى تكون متواجدة بسهولة لكن انا مش لاقيةو غير الصينى او الصوف عموما انا هسال الراجل النهاردة على النوع اللى انتى قولتى علية وان شاء الله اجيبو وانفذو لانى متشوقة جدا لعمل اللانجيرى وان شاء الله يطلع جميل زيك ومتخافيش انا سريعة فى التنفيذ اول ما اخلص اول سطر هنزلك الصور عشان نكمل باذن الله وشكرا على اهتمامك وردك

الله يسهل انا معكم

حبيبتي شكرا كنت بدور على شرح زي شرحك رائع الف شكر وراح ابدأ اطبق معاك

ريموزيودي كتب:

اني فين في مصر يا دودي لانه موجود عند كل بتوع الخيوط

هتلاقيه بسهوله بس ماركه تانيه مش اللي اسمها ناتشورال قطن
اسمها كاميلا

ودي صورته في مصر

[ندعوك للتسجيل في المنتدى أو التعريف بنفسك لمعاينة هذه الصورة]

الله يعطيكي العافيه يارب عالورشة الحلوة

كان نفسي اشترك معاكم بس لاني حامل مش حينفع ان شاء الله اطبفها بعد ما اولد

بس صراحه اكتر ما عجبني ف يالموضوع منظر الخيووط يجننننننننننن هههههههههههههه

نفسي فيهم كلهم