ازيكم يا بنات يا حلوين جيبتلكم النهاردة طريقة الممبار بتاع زمان مجربة ومطبوخة يعنى من المنبع وبالصور كمان تعالو شوفو وقولولى
رايكو
اولا طريقة التنظيف
نقص الدهون اللى بتكون حوالين الممبار بس بنترك جزء بسيط منها تقريبا 2 سم ويغسل جيدا بالدقيق والملح والخل لان بيكون فية
شوائب عالقة بة وبعد كدة بنقلب الممبار على الضهرباستخدام معلقة وذلك كالاتى ندخل فية الملعقة هيطلعلنا من الجانب الاخر
نقوم قالبينو على الجانب الاخر ثم بعد ذلك نكحتو بالمعلقة لان هو بيكون فية طبقة صفراء نطلعها احنا بالكحت
يغسل الممبار مرة اخرى بالملح وينقع فى ماء بة ملح وخل وليمون ويترك لمدة 3ساعات على الاقل والافضل لو نضفتية قبلها
بيوم وتركتية منقوع فى الثلاجة
معلش انا طولت فى جزء التنضيف لكن صدقونى اهم حاجة مرحلة التنظيف لانو لو متنضفش حلو طعمو هيكون وحش
لكن اهم حاجة اتباع التعليمات اللى فوق هيطلع معاكى جميل وهتدعيلى
اخر مرحلة فى التنضيف نفتح الممبار فى مية الحنفية ثم يقطع قطع صغيرة مقاس الواحدة تقريبا 20 سم
المقادير
كيلو ممبار
3كوب ارز
1كيلو طماطم
2 بصلة متوسطة
2 حزمة شبت
2 حزمة بقدونس
2 حزمة كسبرة
طريقة الاعداد
دة بيكون شكل الممبار بعد التنظيف
نفرم البصل مع الطماطم والبقدونس والكسبرة والشبت فى الكبة
ونضعهم فى وعاء عميق ثم نضيف التوابل ملح وفلفل وكمون وشطة بحسب مقاديرك
ثم نضيف نصف كوب من زيت الذرة
ثم نحشى الممبار بالقمع او باستخدام الاصابع عادى بحيث نمسك القطعة وندخل فيها الخلطة ونحاول منملاهاش اوى
عشان الحشو ميخرجش ثم نضغط علية بعد الحشو برفق عشان نطلع الزيادة ونراعى ترك جزء بسيط فارغ فى اول واخر
كل قطعةكما فى الصورة
ثم نكمل حشو باقى الممبار
ودة بقى شكل الممبار بعد ما اتحشى
نضع ماء فى حلة عميقة حتى يغلى ونضيف علية ملح وفلفل وورق لورىثم ننزل فية الممبار واحدة واحدة
ولكن بعد ما تكون المية غلتونلاحظ ان الممبار بيكش ويقفل اول ما ينزل فى الماء مثل الصورة
نترك الممبار حتى ينضح مع تقليبة من حين لاخر حتى لا يلتصق بالاناء
يحمر الممبار فى الزيت ويقدم مع سلاطة خضراء وبالهنا والشفا
موضوع: الطريقة الصحيحة للممبار المصرى بالصور 
الأربعاء ديسمبر 08, 2010 6:10 pm
