تذكير بمساهمة فاتح الموضوع :
حبيباتى الغاليات
عضوات المنتدى الكرام
عايزة أقولكم على ملحوظة انا ملاحظاها فى كل أقسام المنتدى
مش بس القسم بتاعنا
يا ترى ايه هى؟
سألتونى
وأنا هأجاوب
الملاحظة اننا عندنا نقص فى التشجيع
ايه غريبة...
أيوة عندنا نقص فى التشجيع
بمعنى يبقى الموضوع حلو ومتعوب عليه
واللى عاملة الموضوع يا ولداه بذلت فيه مجهود
وكتبت واجتهدت
وحملت صور على مركز التحميل (اذا الموضوع فيه صور)
وبعدين الناس تدخل الموضوع تشوفه
وللأسف ما حدش يهون عليه يكتب أى تعليق ايجابى أو حتى سلبى يشعر صاحب الموضوع بالتقدير والاهتمام بحجم الجهذ المبذول فى الموضوع
وطبعاً ده بيبان من عدد المشاهدات
يعنى يكون موضوع عدد المشاهدات له أكتر من 500 مثلاً
ولا يتعدى عدد الردود الـ 50 رد
ومش عارفة ده نتيجة ايه كسل ولا عدم اكتراث ولا ايه
يعنى كدة كدة احنا دخلنا الموضوع وشفناه
طيب ايه اللى يمنع اننا نكتب ولو كلمة شكراً لصاحب الموضوع عشان نشجعه على الاستمرار وبذل مزيد من الجهد
فتعالوا من دلوقت بعد اذنكم نرفع شعار "نعم للايجابية... لا للسلبية"
بمعنى اننا لما ندخل موضوع نشارك بايجابية ونقول رأينا لصاحب الموضوع حتى لو كان سلبى
عشان يطور من نفسه ونرتقى بمنتدانا فى النهاية
وأعتقد ان هدف لينا كلنا
وكمان رجاء تانى بعد اذنكم
حاولوا دايماً تتابعوا كل المواضيع الجديدة لأن بجد بنبذل مجهود كبير عشان نرضيكم ونفيدكم ونزود خبراتكم فى الحاجات اللى بتحبوها
أنا شخصياً بأكون فى قمة سعادتى لما بألاقى تفاعل مع مواضيعى وبأتشجع وبأبقى عايزة أبذل مجهود أكبر
وأنزل مواضيع أكتر وأكتر
بس ما أخبيش عليكم برضه بأحس باحباط لما ما حدش يدخل المواضيع أو يعلق عليها
أتمنى انى ما أكونش طولت عليكم
وان شاء الله فى انتظار تفاعلكم ومشاركاتكم فى كل أقسام المنتدى
وخصوصاً
قسم التريكو
موضوع: ما تيجوا نشارك كلنا فى حملة التشجيع 
الإثنين أكتوبر 18, 2010 7:53 pm
