سلطة الشاورما

سلطة الشاورما بالخطوات المصوره

السلام عليكم ورحمة الله وبركاته

السلطه راح تكون على شكل طبقات .. يعني حطي طبقه فوق طبقه وبدون خلط اوكي

نجيب المله او الوعاء اللي بنقدم فيه السلطه ..

[ندعوك للتسجيل في المنتدى أو التعريف بنفسك لمعاينة هذه الصورة]

كوب ونص بقدونس مفروم ناعم ..

[ندعوك للتسجيل في المنتدى أو التعريف بنفسك لمعاينة هذه الصورة]

بصل ابيض مقطع لأجنحه نخلطه مع سماق .. ونحطه فوق البقدونس ..

[ندعوك للتسجيل في المنتدى أو التعريف بنفسك لمعاينة هذه الصورة]

بهالخطوه نكون سالقين نص دجاجه وشايلين الجلد و العظم ومقطعينها قطع صغيره مثل الصوره ..
ننقع الدجاج في : (علبة روب + رشة ملح+رشة فلفل اسود مطحون+ عصير ليمونه) ..
الأفضل في بداية تجهيز الطبق نجهز الدجاج عشان نعطيه مجال يتخمر .. و كثر ما خلينه في الخلطه كان الطعم ألذ ..
ناخذ الدجاج .. و نقليه بشوية زبده مع رشة من البهارات اللي تحبينها ..ولو عندج بهارات الشاورما بتكون احلى لكن لا تكثرين .. نقلب الدجاج قلبتين فقط عشان يتحمر ..
ونحطه فوق الطبقه السابقه

[ندعوك للتسجيل في المنتدى أو التعريف بنفسك لمعاينة هذه الصورة]

بطاطا مقطعه الى اصابع او شرائح طوليه .. وممكن نستخدم اصابع البطاطا المجمده ..
ونقليها على جنب .. و نحطها فوق طبقة الدجاج ..

[ندعوك للتسجيل في المنتدى أو التعريف بنفسك لمعاينة هذه الصورة]

في وعاء جانبي نخلط : ( علبة روب + ملعقة مايونيز + ملعقه طحينه اللي نسميها الهرده + فص ثوم مدقوق + رشة ملح + عصرة ليمون )

[ندعوك للتسجيل في المنتدى أو التعريف بنفسك لمعاينة هذه الصورة]

ونحط الخلطه فوق الطبقه السابقه اللي كانت البطاطا ..

[ندعوك للتسجيل في المنتدى أو التعريف بنفسك لمعاينة هذه الصورة]

نرش على الوجه شوية سماق
و ناخذ خبزه نقطعها لمربعات .. اما نقليها او نشويها داخل الفرن
ونحطها على الوجه كآخر طبقه ..

السلطه شوي دسمه وتشبع .. ممكن تسوينها على العشا بروحها

» سلطة المعكرونة
» سلطة الملعب
» سلطة التورتليني
» سلطة الحمص
» سلطة سيزر

سلطة الشاورما

سلطة الشاورما

مواضيع مماثلة

مواضيع مماثلة