تذكير بمساهمة فاتح الموضوع :

سلام اخواتي العزيزات
ممكن تساعدوني بشرح هذا المفرش او باترون له ويكون واضح
شاكره لكم عزيزاتي اتكنى تفيدوني بشي لانو بجد حابه اعمله

[ندعوك للتسجيل في المنتدى أو التعريف بنفسك لمعاينة هذه الصورة] حبيبة ألبي سمورتي على طولة بالك وتعبك معانا
مشكوره كتييييييييييييير

كوثرعوران كتب:

[ندعوك للتسجيل في المنتدى أو التعريف بنفسك لمعاينة هذه الصورة] حبيبة ألبي سمورتي على طولة بالك وتعبك معانا
مشكوره كتييييييييييييير

dff


اشكرك حبيبتي كوتر تسلميلي ده واجب علينا اختي كوتر والمنتدى معمول علشان كده وده لوجه الله وانا بحب اساعد لو في مقدوري. 5874 5874 5874

dff


اختي زهرة انا شوفت ردك الصبح وابتديت اكتب السطر وقربت اخلص وللاسف الكهربا قطعت .ولسه واصلة من شوية وياله اكملك السطر قبل مايروح النت كمان بيستقصدني ههههههههه

انت خلصت السطر السابق بمنزلقة علي اخر تلات سلاسل كعمود اول مش كده
دلوقتي نعمل منزلقة ونروح علي وسط المروحة ونعمل تلات سلاسل كعمود اول ونعمل 10اعمدة فاهمة حبيبتي زهرة 10 وبعد ماتخلصي الاعمدة يطلع عندنا 11 عمود 10 والسلاسل التلاتة يبقو 11 ونكمل نعمل بعد كده سلسلتين ونعمل عمود بلفة علي وسط السلسلة بتاع السطر السابق (احنا علي فكرة مقسمينها قسمين فاكرة وعاملين وسطها سلسلة راجعي السطر السابق) ونعمل العمود ده بس نلف لفة واحدة ومانطلعشي الغرز بتاعت العمود ده ونعمل كمان لفة لعمود تاني ونروح للسلاسل التانية ونعمل العمود ده وسطها ونطلع الغرز كلها حتة واحدة ونعمل بعد كده سلسلتين ونروح وسط المروحة ونعمل 11 عمود بلفة وسلسلتين ونعيد نفس الشئ السطر كله ونلزقهم بمنزلقة وبكده خلص السطر ده افتكر ده لو عملتي كل الشرح خطوة خطوة حتعمليه وده سهل ياله حبيبتي بالتوفيق. :يلايليليل:

شكرا لك حبوبتي
جزيل الشكر والامتنان لكل ماقدمتيه لنا

عملته خطوه خطوه وكان فعلا سهل
اشكرك

dff


صباح الخير اختي زهرة
الحمد الله ان عملتيه وزي ماقلت ده سهل بس لازم التركيز. dD

مساء الخير سمورة يا طولت بالك معلمة اكيد مع الشرح البسيط ده انا لازم اعمل المفرش ولما اكملو انزل التطبيق ان شاء الله تسلم اليادي السهرانة ديما معانا 5874 ولازم زهرة كمان تورينا تطبيق المفرش لما تكملو ماشي زهرة

sanaa2 كتب:

مساء الخير سمورة يا طولت بالك معلمة اكيد مع الشرح البسيط ده انا لازم اعمل المفرش ولما اكملو انزل التطبيق ان شاء الله تسلم اليادي السهرانة ديما معانا 5874 ولازم زهرة كمان تورينا تطبيق المفرش لما تكملو ماشي زهرة

dff


تسلمي حبيبتي سناء كلامك كله جميل ومنسق ربنا يخليكي ويحفضك.
انا كملت معاها لغاية السطر الي قبل السطرين الاخيرين ومش عارفة لو كملتو لوحدها ولا لسه السطرين الي فاضلين كتير سهلين حتكمل بس علي الي قلتلها عليه .
وان شاء اله لما تكملي المفرش بتاعك ارجوكي عاوزة اشوفه .رغم اني متاكدة انه حيطلع حلو ومافيهوش اي شئ لانك ماشاء اله عليكي استادة في الكروشيه.


5478 5478 5478 5478


5478 5478 5478

شكرا لك سماره على جهودك الطيبه واعذريني النت قطع معي فتره
اشكرك من اعماق قلبي
بس ممكن اخر سطرين اللي قلتي عنهمم جزاك الله الف خير
دمتي بخير غاليتي

dff


حبيبتي زهرة ازيك ان شاء الله تكوني كويسة.نكمل السطرين الي فاضلين من المفرش وانت بعد كده تشتغلي الورود وتلزقيهم مع بعض اوكي حبيبتي .
السطر الي بعد كده احنا لزقنا اخر غرزة منزلقة علي التلات سلاسل الي بنعملهم كعمود او ل بعد كده نبقي نبتدي باربع سلاسل المرة دي علشان السطرين دول كلهم عواميد بلفتين انت تعملي اربع سلاسل وتزيدي كمان سلسلة وتروحي تعملي علي العمود التاني عمود بلفتين وسلسلة وتعملي عمود بلفتين علي العمود التالت وسلسلة لغاية مانخلص العواميد كلها يعني العواميد11 كده مفهوم ونعمل بعد كده تلات سلاسل ونلزقهم وسط العواميد الي عملناهم من السطر السابق ونعمل بعد كده تلات سلاسل ونروح علي اول عمود من الانناسة التانية ونعمل كمان 11 عواميد بلفتين ووسطهم سلسلة واحدة ونكمل كده لغاية اخر السطر ونلزقهم بمنزلقة وكده حبيبتي خلصنا السطر ده .

dff


السطر الي قبل الخير لاني شايفة اني لسه في سطر اخير وكله اهرامات

حتعملي برده زي مابنعمل كل مرة تطلعي باربع سلاسل كعمود اول وتزيدي عليه سلسلتين وتروحي تعملي عمود بلفتين علي العمود التاني وتعملي سلسلتين وتعيدي التطبيق ده لغاية اخر عمود من العواميد 11 وبعد كده نروح علي الانناسة التانية ونعمل عمود بلفتين يعني مافيش سلاسل بين الانناساة الاولى والانناسة التانية.ونكمل كده لغاية مانخلص السطر ده .ونقفله بمنزلقة علي اول الاربع سلاسل الي عملناهم اول السطر.

السطر الاخير
نطلع باربع سلاسل ونلزقهم علي السلسلتين بتوع السطر السابق يعني السطر ده حنشتغله كله اهرامات كله اربع سلاسل ونلزقهم علي السلسلتين الاتنين بتوع السطر السابق افتكر ان السطر ده مفهوم ياله حبيبتي خلصي المفرش علشان تنزليه والكل يشوفه بالتوفيق اختي واتمني اكون افدتك وشرحتلك كويس .
وعلي فكرة كل ماتخلصي وردة ابقي الزقيها بالتانية وكمان بالمفرش علشان ماتحتاجيش تخيطيها ويطلعلك خيوط بعد كده انت بتشتغلي وردة وتوصلي لاخر السطر الزقيها بغرزة حشو او منزلقة بصي علي الصورة بتاع المفرش وحيضهرلك وين تلزقي الغرز دي اوكي حبيبتي .
ياله سلام ولو في اي شئ مش مفهوم انا موجودة. :ren41deer:

شكرا لك اختي الغاليه على جهودك الرئعه
وانشاء الله اقدر اصوره وانزله لكم
لك من كل الود والتقدير والاحترام شكرا جزيلا لك حبيبتي

dff


تسلمي حبيبتي زهرة واتمنى اكون فعلا افدتك وفي النهاية حصلتي علي مفرش حلو. lkio