تذكير بمساهمة فاتح الموضوع :

حبيباتى الغاليات
أحلى بنوتات فى أحلى وأغلى منتدى

النهاردة ان شاء الله هنضيف غرزة جديدة فى موسوعة الغرز بتاعتنا
ودى تانى غرزة فى المجموعة اللى سميناها "تعالوا نتعلم غرزة جديدة"

الغرزة الأولى كانت فى الرابط
[ندعوك للتسجيل في المنتدى أو التعريف بنفسك لمعاينة هذا الرابط]
أما غرزتنا النهاردة فهى غرزة سهلة خالص وبسيطة واسمها الـ
Basket Waeve
وهى من الغرز الجميلة السهلة

بتعتمد على العدل والمقلوب بدون أى تعقيدات

نشوف كدة شكل الغرزة مع بعض

[ندعوك للتسجيل في المنتدى أو التعريف بنفسك لمعاينة هذه الصورة]

يا ترى عجبتكم؟!!!

طيب نيجى بأة لتطبيق الغرزة

الغرزة بتتكون من مضاعفات العدد 12 + 8
وهى عبارة عن 8 أسطر

ما تنسوش اننا بنرمز دايماً للغرزة العدلة بالرمز (ع)، والغرزة المقلوبة بالرمز (م)

السطرالأول:
(خلف الشغل)
كله مقلوب

السطر الثانى:
(8 م - 4 ع) - يكرر ما بين القوسين وينتهى السطر بـ 8 م

السطر الثالث:
(8 ع - 4 م) - يكرر ما بين القوسين وينتهى السطر بـ 8 ع

السطر الرابع:
(8 م - 4 ع) - يكرر ما بين القوسين وينتهى السطر بـ 8 م

السطر الخامس:
كله م

السطر السادس:
2م (4 ع - 8 م) - يكرر ما بين القوسين وينتهى السطر بـ 4 ع - 2 م

السطر السابع:
2ع (4 م - 8 ع ) - يكرر ما بين القوسين وينتهى السطر بـ 4 م - 2 ع

السطر الثامن:
2م (4 ع - 8 م) - يكرر ما بين القوسين وينتهى السطر بـ 4 ع - 2 م

متهيأ لى ما فيش أسهل من كدة

ملحوظة:
العينة 32 غرزة وكررتها مرتين (يعنى 16 سطر)

أتمنى أن الغرزة تعجبكم وتستفيدوا منها فى أعمال متميزة ان شاء الله[/color][/b][/size]

غرزة جميلة جدا الله يعطيك ألف عافية lkio der ؤر45 :بلب56ب5ل: :ثقث4ث4: