تذكير بمساهمة فاتح الموضوع :
حبيباتى محبات التريكو فى منتدانا الغالى
السلام عليكم ورحمة الله وبركاته
أتمنى أن تكن جميعاً بخير وصحة وسعادة ورضا من الله سبحانه وتعالى
النهاردة أنا جاية لكم بفكرة جديدة
الحقيقة وللأمانة هى مش فكرتى
بس أنا شفتها فى منتدى تانى وعجبتنى
وانتم عارفين أنا دايماً بأجوب النت بحثاً عن كل جديد عشان أجيبه لخاطر عيونكم الحلوين
طيب ايه هوة الموضوع
ان شاء الله احنا هنعمل مسابقة
أفضل عمل تريكو اشتغلتيه فى حياتك
أكيد كل واحدة فينا فيه قطعة بتكون لها معزة خاصة أو مرتبطة بذكرى معينة وبتعتبرها أحسن حاجة عملتها فى حياتها
فاحنا هنعمل مسابقة
كل واحدة تعرض لنا أفضل عمل تريكو عملته
واحنا ان شاء الله هنعمل تصويت على أحسن قطعة سيتم عرضها
وان شاء الله الفائزة فى المسابقة هتكون لها جائزة كبيرة من المنتدى ان شاء الله
سيتم الاعلان عنها لاحقاً ان شاء الله
شروط المسابقة:
1- كل عضوة يحق لها الاشتراك بعمل واحد فقط لافساح المجال أمام أكبر عدد من الاعضاء
2- الاشتراك فى المسابقة حق للجميع عضوات ومشرفات
3- فترة التقدم بالأعمال تنتهى فى 15/12/2010
4- يتم عرض الشكل النهائى للعمل دون التفاصيل
ونتمنى من الجميع المشاركة سواء بتقديم الاعمال أو بتقييم الاعمال المشتركة فى المسابقة
مع تمنياتى بالتوفيق للجميع
موضوع: مسابقة "أفضل عمل قمت بتنفيذه فى حياتك" 
الخميس نوفمبر 25, 2010 9:46 pm
