علشان تبتدى اى سطر جديد لازم تعمليلة عدد معين من السلاسل عشان تقدرى تميزى بداية السطر والشغل مبيبقاش مدور يبقى صفوف يعنى مثلا السطر اللى هنعمل فية حشو بتكون بدايتة سلسلة واحدة والنص عمود بدايتة 3سلاسل وهكذا على حسب الغرزة اما فى الباترون بتاعك انتى بتبتدى شغلك بعمل عدد السلاسل المطلوبة وتقفلى اول واحدة مع الاخيرة بغرزة منزلقة ثم تعملى 3سلسلة بمثابة اول عمود ثم تعملى 2سلسة ثم عمود بلفة واحدة ثم 2سلسلة وهكذا حتى يصل عدد النص عمود الى 8 عواميد ونقفل بمنزلقة ثم السطر اللى بعدة نعمل سلسلة كبداية ثم غرزة حشو وبعدين 5سلسلة ثم غرزة حشو وبعدين 5سلسلة وهكذا حتى نهاية السطر وطبعا اقفلى بمنزلقة اما السطر اللى بعدة بنطلع بسلسلة كبداية ثم نعمل حشو ثم 2سلسلة ثم حشو ثم 7سلسلةوتكملى هكذا حتى نهاية السطر مع مراعاة ان سلاسل البداية بنعملها فى اول السطر بس ومبنكررهاش بعد كدة وبرضو نقفل بمنزلقة والسطر اللى بعدة زى اللى فات بس بدل ال7سلاسل اللى فى النص هنخليهم 9 عشان الشغل ياخد الشكل المدور والسطر اللى بعدة زى اللى فات بس برضو بدل ال9سلسلة بنخليهم 11 ومتنسيش تقفلى بمنزلقة اما السطر الاخير بنعمل فية سلسلة كبداية ثم غرزة حشو ثم 3سلسلة ثم حشو ثم 5عمود بلفة ثم حشو ثم 7سلسلةثم حشو وهكذا حتى نهاية السطر ويارب يكون الشرح وافى وتكونى فهمتى هتعملى اية ولو معرفتيش حاجة قوليلى

بصى يا حبيبتى عشان مفتيش فى حاجة انا مش عارفاها انا هسالك وهرد عليكى لانى بصراحة مش عاوزة اقولك على حاجة وتطلع غلط بس اللى انا متاكدة منو هو ان اى سطر عشان يطلع معاكى مظبوط لازم تعمليلو بداية وتقفلية بمنزلقة عموما هرد عليكى باذن الله قريب او هخلى حد يبعتلك الرد

السلام عليكم أظن انك عندما تصلين إلى الحلقة السابعة في السطر تعملي ثلاث سلاسل ثم تلوي الخيط ثلاث مرات وتسحبين الخيط من نقطة البداية بعدها تسحبي الخيط في كل مرة من غرزتين اللي فوق الكروشي إلى أن تصلي إلى النقطة التي بدأت منها ثم تعملي سلسلة تتكون من خمس غرز وتعملي غرزة حشوة في منتصف الدوبل بريد يعني العمود اللي غلقتي به السطر وتتكملي السطر حسب البترون واتمنى أن لاأكون مخطئة في الشرح وأتمنى لك التوفيق في إنجازها lkio

شكرا لك عزيزتي der

خذو الحكمة من افواة الحكماء والله احنا اجتهدنا انا والاخت سارة لكن الاخت جيمينى طبعا افادتنا بالراى الصواب جعلة الله فى ميزان حسناتنا واثابنا على الاجتهاد