:dgdgrgf:

انا عضوة جديدة فى المنتدى وبحب الكروشية ودة اول طلب لية فى المنتدى ؛ارجوا منكم لاتكسفونى
وانا مبتدئة واتعلمت عدة غرز انا عيزة اعمل بلوزتين وطالبة مساعدتكم لى
البلوزة الاولى

[ندعوك للتسجيل في المنتدى أو التعريف بنفسك لمعاينة هذا الرابط]

كيف عمل البلوزة الاولى يعنى ابدأمن فوق والامن تحت ؟؟؟
كمان كنت عيزة أعرف ماهو نوع الخيط المستخدم ؟؟ وكم شلة خيط لعمل البلوزة ؟؟وماهو حجمها ؟؟؟


البلوزة التانية

[ندعوك للتسجيل في المنتدى أو التعريف بنفسك لمعاينة هذا الرابط]

وايضا كيفية عمل البلوزة يعنى ابدأمن تحت والا منين ؟؟؟ كمان أبدأ بعمل كل وحدة على حدا

طيب أشبكهم ازاى ؟؟؟ ياريت التوضيح بالصور

كمان انا عيزة اعرف ماهو نوع الخيط المسخدم ؟؟؟ وكم شلة خيط لعمل البلوزة ؟؟؟ وماهو حجمها ؟؟

ولو فى ورشة اتعملت لاى بلوزة فيهم ياريت تدلونى !!!

انا عرفة انى تقلت عليكم بس أملى فيكم ومساعدتكم لى كبير

وشكرا متقدما لكل من تساعدنى

:ثقث4ث4:

ren41deer:

]

شكرا جزيلا على عدم ردكم عليه

هى بصراحة البلوزتين احلى من بعض هحاول اجبلك الباترون واشرحلك طريقة عملها بس اعزرينى علشان احنا فى اخر رمضان اوعدك بعد العيد سوف اشرحها لكى بالتفاصيل

dodo2010 كتب:

هى بصراحة البلوزتين احلى من بعض هحاول اجبلك الباترون واشرحلك طريقة عملها بس اعزرينى علشان احنا فى اخر رمضان اوعدك بعد العيد سوف اشرحها لكى بالتفاصيل

شكرا جزيلا يا قمر على ردك على طلبى على فكرة دة أول طلب لى فى المنتدى
على فكرة انا عندى الباترون بتاعهم وهنازلهم ان شاء الله عشان تشرحيلى
عليهم

الله يجزيكى كل خير يارب وينورلك طريقك

انا هبدأبتنزيل الباترون بتاع البلوزة الاولى

ولما نخلصها ان شاء الله نبقى نبدأبالتانية

شكرا يا مشرفتنا الغالية

انا منتظرة اختى الغالية الباترون وسوف اشرحها لكى :يبيب1ي2ب1ي: :5ي12ؤيؤ:

اختىالعزيزة لمسة سحرية انا تلقيت رسلتك وشفت الباترون وسوف انفذة لكى ان شاء الله سوف اعمله ورشة عمل بالصور قريبا ان شاء الله

اختى العزيزة لمسة سحرية رجعتلك تانى بعد ما نفذت جزء صغير من البلوزة وسوف اسرحة لكى بالصور ان شاء الله نبدا بسم الله اولا ناخذ المقاس ونعمل سلسلة على قد الوسط علشان احنا حنشتغل البلوزة من اسفل الى اعلى السطر الاول بعد ما عملنا السلسلة على قد وسط بنوتك اوانتى اى حد بتاخذى مقاس الوسط تقفلى السلسلة مع بعضها بغرزة منزلقة ليتكون عندك دائرة نبدا بغرزة حشو فى اول سلسلةثم نترك 4غرز سلسلة ونشتغل فى الغرزة الخامسة (عمود بلفتين ثم2سلسلة ثم عمود بلفتين ثم 2سلسلةثم عمود بلفتين ثم2سلسلة ثم عمود بلفتين ثم2سلسلة ثم عمودبلفتين ثم2 سلسلةيعنى دلوقتى بقى عندنا 5اعمدة بلفتين بينهم 2سلسلة كل دول فى غرزة سلسلة واحدة )[ندعوك للتسجيل في المنتدى أو التعريف بنفسك لمعاينة هذه الصورة] كما هو موضح بالصور ثم نعمل فى اخر عمود بلفتين من الاعمدة الخامسة السابقة سلسلة واحدة ثم نترك 4سلاسلمن السطر السابق ونشتغل غرزة حشو فى السلسلة الخامسة ثم نعمل سلسلة واحدة ثم نترك 4غرز سلسة ونعمل فى الغرزة الخامسة اللى بين القوسين اللى هو 5 اعمدة بلفتين بينهم 2سلسلة وفى اخر عمود بلفتين نعمل سلسلة واحدة ثم نترك 4غرز سلسلة ونعمل غرزة حشو فى السلسلة الخامسة ثم سلسلة واحدة ثم نكرر ما بين القوسين وذلك حتى نهاية السطر اى ان الشغل حيكون تبادلى بين غرزة الحشو والخمس اعمدة بلفتين يا رب يكون السطر الاول مفهوم ويكون شرحى واضح نبدا باذن الله فى السطر الثانى:نعمل 4غرز سلسلة بمثابة اول عمود فى السطر ثم نعمل عمود بلفةفى السلسة الثانية من العمود الاول من السطر السابق (العمود ابو لفتين)ثم نعمل 3غرز سلسلةثم غرزة حشو فى العمود الثالث من الاعمدة الخمسة بتاعة السطر السابق ثم 3غرز سلسلة ثم عمود بلفة فى السلسلة الثانية من العمود الخامس والاخي كما هو موضح بالصورة ر [ندعوك للتسجيل في المنتدى أو التعريف بنفسك لمعاينة هذه الصورة] ثم 2سلسلة ثم عمود بلفة فى السلسلة الثانية للعمود ابو لفتين الاول للوردة الثانية ثم 3سلسلة ثم غرزة حشو فى العمود ابو لفتين الثالث ثم 3سلسلة ثم عمود بلفة فى السلسلة الثانية من العمود الاخير ويبقى كدة خلصنا الوردة الثانية ونشتغل كدة حتى نهاية السطر وحتوقف معكى حتى السطر التانى علشان تشتغلى معى الجزء دة ويارب يكون الشرح واضح واى استفسار انا تحت امرك ونفسى اشوف شغلك للسطرين دول علشان نكمل باقى البلوزة dD

انا معاكم يا بنات لو سمحتولى فى ورشة البلوزة دى ياريت تكملو عشان نستفيد كلنا

أهلا منورة  يا دودى ان شاء الله حبيبتى مشرفتنا الغالية هتكمل الشرح
 

بسم الله الرحمن الرحيم مرحبا حبيبتى لمسة تعالى نكمل الشرح ويارب يكون ساهل عليكى انتى والعزيزة دودى مجدى نبدا بسم الله السطر الثالث :نطلع 4غرز سلسلة كبداية عمود واحنا فى السطر السابق كنا عاملين عمود ثم 2سلسلة ثم عمود صح كدة حنشتغل فوق ل2سلسلة دول 5اعمدة بلفتين بينهم 2سلسلة بعد ما نخلص الخمس اعمدة بلفتين نعمل سلسلة واحدة ثم غرزة حشو فوق غرزة الحشو بتاعة السطر السابق ثم سلسلة واحدة ثم 5اعمدة بلفتين بينهم 2سلسلة فوق 2سلسلة بتاعة السطر السابق ثم سلسلة واحدة ثم غرزة حشو فوق غرزة الحشو بتاعة السطر السابق وهكذا حنشتغل 5اعمدة بلفتين ثم سلسلة ثم غرزة حشو حتى نهاية السطر كما بالصورة [ندعوك للتسجيل في المنتدى أو التعريف بنفسك لمعاينة هذه الصورة][img][/img]
السطر الرابع :مثل اسطر الثانى تماما
السطر الخامس :مثل السطر الثالث تماما
السطر السادس :مثل ايضا السطر الثانى تماما وهكذا باقى البلوزة هتكون تبادلى بين السطر التانى والثالث حتى نصل الى الباط وفى هذة الحالة سوف نقسم عدد الغرز الى اربعة ونبدا فى التنقيص طيب علشان من تهوش تكملى حضرتك الشغل ولما توصلى لحردة الباط ارسلى لى وانا سوف اشرحلك طريقة التنقيص بالضبط وشكرا يارب يكون الشرح واضح ارسلى لى لو فى حاجة مش فهماها :يي: :ثقث4ث4:

:gghghghgh: :يبيب1ي2ب1ي:

شكرا على ترحيبكم بيا يا جماعة والله انا فرحانة جدا لانضمامى للمنتدى الجميل دة على فكرة انا مبتدئة برضو بس من الصفر انا مكنتش بعرف اشتغل كروشية خالص ولا حتى امسك الابرة بس بفضل الله ثم المنتدى الجميل بتاعنا عملت حاجات كتير واتعلمت فى وقت قصير من قسم التعليم اللى فى المنتدى وكل لما حد يشوف اى حاجة انا عاملاها ويسالنى مين علمك واقولهم انى اتعلمت من موقع على النت محدش بيصدق والفضل طبعا يرجع للاخت ساسو اللى حطت شرح مبسط ووافر للغرز ومن خلالها انا اتعلمت وكمان مقدرش انسى المشرفات وكل الاخوات اللى حطو مواضيع جميلة فادتنا انا هبدا اهو معاكو ورشة البلوزة دى ولو ميدايقكوش هبعتلكو صور شغلى عشان لو فى ملاحظات وعشان يبقى فى حماس بس انا كان ليا طلب منكو انتو الاتنين ممكن نشيل التكلفة بينا يا بنات يعنى بلاش نقول حضرتك وكدة انا عارفة طبعا ان دة احترام منكم بس انا قصدى ان انتو اكيد من سنى وانا نفسى نبقى اصحاب ونستفيد من بعض لو ميدايقكوش لكن لو فى حد فيكو سنه كبير طبعا كلنا نحترمو ونقولو حضرتك و انا عارفة انى رغاية جدا لكن انا مبسوطة اوى انى هتعرف عليكو وهنستفيد من بعض

ازيكم يا بنات يا حلوين وحشتونى جدا مبروك للاخت لمسة سحرية على الوسام اللى حصلتى علية ويارب دايما فى تالق انا خلصت جزء كبير من الشغل بس مش عارفة انزلو على المنتدى اصلى معنديش خبرة فى التكنولوجيا الحديثة المهم انا متشوقة نكمل البلوزة الاولى ياريت مشرفتنا الجميلة تفضيلنا نفسها شوية علشان نخلصها وانا عارفة طبعا انك مش فاضية علشان ولادك ربنا يعينك بس نحب نتواصل معاكى باستمرار اشوفكو قريب ان شاء الله

عزيزتى لمسة سحرية ازيك عاملة اية انا بس كنت عاوزة اسالك سؤال ازا بتقدرى تنزلى صور مع كلامك انا حاولت كتير ومش عارفة

ليا سؤال للمشرفة العزيزة انا عملت الغرزة زى بتاعة لمسة بالضبط لكن مش عارفة اوريكى الصورة بس فى مشكلة بلوزتى عمالة توسع انا حاسة انها هتبقى واسعة اوى يا ريت حضرتك تقوليلى لية

دودى مجدى كتب:

عزيزتى لمسة سحرية ازيك عاملة اية انا بس كنت عاوزة اسالك سؤال ازا بتقدرى تنزلى صور مع كلامك انا حاولت كتير ومش عارفة

[ندعوك للتسجيل في المنتدى أو التعريف بنفسك لمعاينة هذا الرابط]
الحمد للة اخيرا وبعد عذاب عرفت انزل شكل شغلى بفضل لمسة الجميلة هودة شغلى يا جماعة بس انا لسة مخلصتش لما اخلص هنزل الباقى

اة دة هى الصورة مش ظاهرة لية يا لمسة انا عملت حاجة غلط ولا اية

اية الجمال دة لمسة الشغل طلع اكثر من رائع تسلم ايدك اية رايك نبتدى فى الحردات بس معلش متزعليش منى حبتدى فيها بكرة علشان الوقت متاخر دلوقتى وهى سهلة ومفهاش حاجة بالنسبة ان البلوزة حاسة انها ضيقة معاكى انا مش عارفة اقولك فيها اية انتى مش اخذتى مقاس الوسط بالضبط طب كملى معايا الشغل ولو حسيتى انها ضيقة اعمليها من الاول ههههههههههههههه