[right]بسم الله الرحمن الرحيم
دى اول مشاركه ليا فى هذا المنتدى الرائع
وجبيت افيدكطم بحاجه حلوه اوى ومش حتاخد وقت منكم وللتغيير برضه طول عمرنا بناكل السمك البلطى والبورى مقلى او مشوى ويوم ما نبقى انجزنا نعمله صينيه
النهارده حاجه جديده خالص وحتعجبكم وكويسه برضه علشان الريجيم
نبدا بالسمك بصى يا ستى انتى تجيبى السمك وتفتحى حته صغيره اوى فى البطن علشان تنضفيه من جوه وتغسليه كانك حتشويه ولا تقشريه ولا تقصيه بس وتحطى عليه شويه ملح وتسبيه ساعه وبعدين نيجى للمهم
هاتى صينيه تيفال وحطيها على النار وتكون ناشفه وتحطى معلقتين زيت للقلى بس متكتريش علشان ميبقاش طعمه مقلى واول ما الزيت يسخن حطى السمك بتاعك وسيبيه على كل ناحيه 3 دقايق واقلبى واعملى كده لحد مايستوى خالص وكل شويه زودى ملعه زيت واحده بس
والطعم بقى الحلو يجى منين بصى يا ستى هاتى الحله الحافظه للطعام اوى اى حله وبعدين حطى الخلطه دى فى القعر (كمون لمون شطه حمرا )وحطى السمك وغطيه تانى بالخلطه وزودى اللمون وبعدين سيبيه نص ساعه واقفلى عليه كويس وكليه بالهنا والشفا
ادعولى بالذريه الصالحه وصلوا على النبى

نسيت اقولكم اللحمه المره الجايه ان شاء الله اما اعرف رايكم فى السمك

الوصفة هايلة و شهية إن شاء الله أجربها تسلمي يا قمر
في انتظار باقي الوصفات

أسأل الله أن يمن عليكِ بالذرية الصالحة التي تقر بها عينك عاجلا غير آجل إنه ولي ذلك و القادر عليه

وصفة جميلة وسهله
وتفتح النفس
انا عن نفسى هجربها
لانى بحب السمك اوووى
تسلم ايديك اختى على الوصفه الشهية
تحياتى ليكى

اميرة الاحزان

اللهم صلي وسلم على سيدنا محمد
واسال الله العظيم رب العرش الكريم
ان يرزقكِ الذريه الصالحه
تسلم يدك ويعطيكِ العافيه
في انتظار اللحمه